မျှစ်ဆန်လှော်ဟင်းရည်

• ၁။ ငါးခူကို ကြော်ပြီးနွှင်ထားပါ။
• ၂။ မွှေးဆန်အကျက်မှုန့် ၁၅၀ ဂရမ် တစ်ထုပ်ကို ရေနှင်ဖျော်ထားပါ။
• ၃။ ဒန်အိုးထဲသို့ ဆီအနည်းငယ် ၊ ထောင်းထားသော ကြက်သွန်ဖြူ အနည်းငယ် နှင့် စပါးလင်အနည်းငယ်တို့ကို ဆီသတ်ပါ။ မျှင်ငါးပိ အနည်းငယ် ထည့်ပါ။ ရလျှင် ရေ သုံးလီတာခန့်ထည့်၍ ဆူအောင်တည်ပါ။
• ၄။ ဟင်းရည်အိုးတည်နေချိန်တွင် မျှစ်ကို လှီးပြီး ပြုတ်ထားပါ။
• ၅။ ခဝဲသီးနှင့် ဂေါ်ရခါးညွှန့်၊ ဆူးပုတ်ရွက်တို့ကို ရေစင်အောင်ဆေးပြီး အဆင်သင့်ပြင်ထားပါ။ ငရုပ်သီးစိမ်းကို ထက်ခြမ်းခွဲထားပါ။
• ၆။ ဟင်းရည်အိုး ဆူပါက ရေဖျော်ထားသော မွှေးဆန်အကျက်မှုန့် ထည့်ပါ။ လှီးပြီးပြုတ်ထားသော မျှစ် ၊ ဆား အနည်းငယ်၊ သကြားအနည်းငယ် ၊ကြက်သားမှုန့် အနည်းငယ်၊ ခဝဲသီး ၊ ဂေါ်ရခါးညွှန့် ၊ ဆူးပုတ်ရွက် တို့ကို ထည့်ပါ။ ကြော်ပြီး နွှင်ထားသော ငါးခူကို ထည့်ပါ။
• ၇။ ဟင်းရည်အိုး ချခါနီး ပင်စိမ်းအုပ်ပါ။

ဒါဆိုရင် ထမင်းမြိန်စေမယ့် မျှစ်ဆန်လှော်ဟင်းရည် ရပါပြီ။