မွှေးတို့ဟူးနွေးနှင့် တို့ဟူးအေးကို အချိန်တိုတိုအတွင်း လုပ်စားနည်း

မွှေးတို့ဟူးနွေးနှင့် တို့ဟူးအေးကို အချိန်တိုတိုအတွင်း လုပ်စားနည်း
၁။ မွှေးတို့ဟူးနွေးမှုန့်၁၅၀ ဂရမ် ၁ ထုပ်
၂။ ရေ၁ လီတာခွဲ
၃။ ရှမ်းခေါက်ဆွဲဖတ်
၄။ ကြက်သွန်ဖြူအနည်းငယ်
၅။ အရောင်တင်အနည်းငယ်
၆။ ရှကောမှုန့်အနည်းငယ်
၇။ မြေပဲအနည်းငယ်
၈။ နှမ်းအနည်းငယ်
၉။ ငြုပ်သီးအကျက်မှုန့်အနည်းငယ်
၁၀။ ကြက်သွန်မြိတ်
၁၁။ နံနံပင်
  • ၁။ မွှေးတို့ဟူးနွေးမှုန့် ၁၅၀ ဂရမ် တစ်ထုပ်ကို ရေ ၁ လီတာခွဲဖြင့် ဖျော်ပါ။ ဖျော်ပြီးလျှင် ရေစစ်ဖြင့် စစ်ပါ။ ပြီးလျှင် မိနစ် ၃၀ ခန့် ထားပါ။
  • ၂။ ဆီဆူအောင်တည်ပါ။ ပြီးလျှင် ရှကောမှုန့် ၊ ငြုပ်သီးစိမ်းမှုန့် ၊ ငြုပ်အကျက်မှုန့်ထဲ ဆီပူပူလောင်းထည့်ပါ။ ကြက်သွန်ဖြူ မညက်တညက်ထောင်း၍ ဆီသတ်ထားပါ။
  • ၃။ တို့ဟူးနွေးကျိုရန်အတွက် မီးအသင့်အတင့်ထား၍ ဒန်အိုးထဲသို့ ဖြည်းဖြည်းချင်းလောင်းထည့်၍ မွှေပါ။ ဆားအနည်းငယ်ထည့်ပါ။ ပဲစိမ်းနံ့ပျောက်၍ ရလျှင် မီးအေးအေးဖြင့် တင်ထားပါ။
  • ၄။ တို့ဟူးအေးပြုလုပ်ရန်အတွက် ပန်းကန်တစ်ခုထဲသို့ ခပ်ထား၍ အအေးခံထားပါ။
  • ၅။ ဆန်စီးခေါက်ဆွဲ ပြုတ်ပါ။

ပါဝင်ပစ္စည်းများ အဆင်သင့်ဖြစ်ပါက-

  • ပန်းကန်ထဲသို့ ဆန်စီး ခေါက်ဆွဲ ထည့်ပါ။ တို့ဟူးနွေးရည်ထည့်ပါ။ ထို့နောက် မြေပဲထောင်း ၊ နှမ်းထောင်း ၊ ကြက်သွန်ဖြူဆီချက် ၊ ပဲငံပြာရည် အကြည် ၊ ကြာညို့ ၊ အရောင်တင်ဆီ ၊ ရှကောဆီ ၊ ငြုပ်သီးအကျက်ဆီ တို့ဖြင့် မိမိနှစ်သက်သလို ထည့်၍ စားသုံးနိုင်ပါပြီ။ တို့ဟူးနွေးကို ဆန်စီးနှင့် စား၍ ရသလို ဆန်စီးမပါဘဲ အီကြာကွေးနှင့်လည်း သုံးဆောင်နိုင်ပါသည်။
  • အအေးခံထားသော တို့ဟူးအေးကိုလည်း ပါဝင်ပစ္စည်းများနှင့် မိမိစိတ်ကြိုက်ပြင်ဆင်နိုင်ပါသည်။

Video