ကြက်သား ပုဇွန်ခွက်ကြော်

• ၁။ ရွှေလိပ်ပြာ အကြော်မှုန့် ၁၅၀ ဂရမ် ၁ ထုပ်ကို မွှေးဂျုံမှုန့် ၂ ဇွန်း (၃၀)ဂရမ် ၊ ဟင်းခတ်မှုန့် အနည်းငယ်၊ ဆားအနည်းငယ် ၊ ရေ ၂၂၅ မီလီ ထည့်၍ မွှေပေးပါ။ မိနစ် သုံးဆယ်ခန့် နှပ်ထားပါ။
• ၂။ ပဲပင်ပေါက်နှင့် ပါးပါးလှီးထားသော ကြက်သွန်မြိတ်ကို ဟင်းခတ်မှုန့်အနည်းငယ်နှင့် သမအောင်နယ်ပေးပါ။(ဖွဖွလေး နယ်ရပါမည်။)
• ၃။ ပုဇွန်အကောင်လိုက်ကို ရေဆေးသန့်စင်ပါ။ ကြက်သားကိုပါးပါးလှီးထားပါ။
• ၄။ အဆင်သင့်ဖြစ်ပါက ဒယ်အိုးထဲသို့ ဆီကို ဇွန်းခွက်မြုပ်အောင် ထည့်ပါ။ ဆီပူလာလျှင် ဇွန်းခွက်ကို ဆီအိုးထဲနှစ်၍ အပူပေးပါ။ ဇွန်းပူလာလျှင် မုန့်ရည်လူးပါ။ နယ်ထားသော ပဲပင်ပေါက် ထည့်ပါ။ ကြက်သားဖတ် ၃ဖတ် ထည့်ပါ။ ပြီးလျှင် မုန့်ရည်ထပ်လူးပါ။ မုန့်ရည်လူးထားသည့်ပေါ်တွင် ပုဇွန်တစ်ကောင်တင်ပေးပါ။ ပြီးလျှင် ဆီအိုးထဲနှစ်၍ အပေါ်ကို ဆီပက်ပေးပါ။ အနည်းငယ်ကြာလျှင် ဇွန်းခွက်မှ ဖယ်၍ ဆီအိုးထဲတွင် ကျက်အောင်ကြော်ပေးပါ။ နောက်တစ်ခုကြော်ရန် အထက်ပါနည်းအတိုင်း ပြုလုပ်ပေးပါ။

ကြွပ်ကြွပ်ရွရွလေးနှင့် စားကောင်းသော ကြက်သားပုဇွန်ခွက်ကြော်ရပါပြီ။ အချဉ်ရည်နှင့် တွဲဖက်စား၍ ရသလို ပုဇွန်ခွက်ကို သုပ်စားနိုင်ပါသည်။

ပုဇွန်ခွက်ကြော် သုပ်ရန်အတွက် –

ပါဝင်ပစ္စည်း

• မွှေးပဲကျက်မှုန့်
• သခွားသီး
• ဂေါ်ဖီ
• ငရုပ်သီးစိမ်း
• အချဉ်ရည်
• ငရုတ်သီးမှုန့်

၁။ ဂေါ်ဖီ၊သခွားသီး၊ငရုတ်သီးစိမ်းတို့ကို ပါးပါးလှီးပါ။

၂။ ပုဇွန်ခွက်ကြော်ကို ကတ်ကြေးနှင့် ကိုက်၍ ဂေါ်ဖီ၊သခွားသီး၊ငရုတ်သီးစိမ်း၊ငရုတ်သီးအကျက်မှုန့်၊အချဉ်ရည်၊ပဲကျက်မှုန့်တို့ကို အနည်းငယ်ထည့်၍ သုတ်ပါ။

အရသာကောင်းမွန်သော ကြက်သားပုဇွန်ခွက်ကြော်သုပ်ရပါပြီ။